إهداء للزعماء ... و ( 50 ) ألف مبروك .،

إهداء بسيط ، ومبروك البطولة الـ 50 /






:::



لا يا زعيم الله مـ/كثر ضحاياك
أنت الزعيم وما لغيرك زعامه



وجه السعد للي يحبك ويهواك
والحاقد أقفى ما اهتنى في منامه



متصدر(ن) محد(ن) تجرّى وعدّاك
الكــل يلـقى من لـقـاك الندامــه



متميز(ن) .. من يشبهك في حلاياك!
مِنْور .. وغيرك غارق(ن) في ظلامه



أنت البطولة والبطولات تفداك
يا معلّم الابداع تلبس وسامه



تستاهل التتويج يهناك ما جاك
ما فيك شكّ وما تجيك الملامه



كم عين تضحك لك وكم قلب ناداك
الله يسهّل لك .. ودرب السلامه



عاش الهلال وقول للي تحدّاك
" بدري " وخلّوا للزعيم الزعامه




:::
لصآحبها محمد آل زارب